عندكم فكرة لمشروع رقمي؟ منحوّلها معكم لمنتج حقيقي جاهز للإطلاق.
سواء عندكم فكرة لتطبيق جديد، أو مصلحة بحاجة لنظام يناسب طريقة شغلها — منساعدكم توضّحوا الحل، تحدّدوا النسخة الأولى، وتبنوا منتج حقيقي جاهز للاستخدام والنمو.
- من الفكرة لخطة واضحة
- تصميم وتطوير بمكان واحد
- نسخة أولى محسوبة، مش خصائص عشوائية
- الكود والبيانات والمنتج إلكم
المشكلة مش إنكم ناقصكم تطبيق. المشكلة إن في فكرة واقفة أو شغل كل يوم بصير أصعب.
يمكن الفكرة واضحة براسكم بس ما عندكم الفريق اللي يحوّلها لمنتج. ويمكن شغلكم موزّع بين واتساب، ملفات وبرامج ما بتحكي مع بعض. بالحالتين، المطلوب مش كود أكثر — المطلوب حل واضح مبني صح.
عندكم فكرة، بس مش واضح شو لازم يدخل بالنسخة الأولى
ما عندكم فريق يجمع التفكير، التصميم والتطوير بمكان واحد
الشغل موزّع بين واتساب، الإكسل وأنظمة ما بتركب على بعض
المتابعة اليدوية بتاكل وقتكم وبتخلّي الأخطاء تتكرر
المنتج الحالي معقّد، بطيء أو صار يعيق النمو
كل ما الشغل يكبر، الفوضى والتبعية لشخص واحد بتكبر معه
مش قائمة خدمات. أربع نقاط ممكن تبدأ منها.
مش لازم تعرفوا اسم التقنية ولا تكتبوا مواصفات. احكولنا وين إنتو اليوم وشو بدكم يتغيّر — ومنحدّد معكم الطريق الأقصر لمنتج مفيد.
مش مطلوب منكم تعرفوا كيف ينبنى المنتج. المطلوب تعرفوا أي مشكلة بدكم تحلّوا.
إحنا منمسك الباقي: منرتّب الفكرة، منسأل الأسئلة الصعبة، ومنحوّل القرارات لتجربة ومنتج يقدر الناس تستعمله فعلًا.
- 01
منفكّر قبل ما نبني
أكبر خسارة مش تأخير أسبوع. الخسارة إنكم تبنوا أشهر وبالآخر تكتشفوا إنكم بنيتوا الشي الغلط. منحدّد الأولويات قبل الكود.
- 02
شريك واحد للصورة كاملة
تفكير بالمنتج، تجربة استخدام وتطوير بمكان واحد. ما بتضيع فكرتكم بين جهات كل وحدة شايفة جزء صغير منها.
- 03
منبدأ بالنسخة اللي إلها معنى
مش منعبّي المنتج خصائص حتى يكبر عرض السعر. منبني أول نسخة تحل المشكلة الأساسية وتعلّمنا شو الخطوة التالية.
- 04
المنتج إلكم، والقرار واضح
الكود والبيانات إلكم، وبتعرفوا ليش كل قرار اتاخد. وبتحكوا مباشرة مع الشخص اللي فاهم وعم يبني المنتج.
ولما المنتج يحتاج عربي وعبري، كل لغة بتنكتب وبتتصمّم كنسخة أصلية — مش واجهة مقلوبة وترجمة آلية.
من فكرة براسكم لمنتج بإيد المستخدم.
ما منبدأ بالكود. منبدأ بفهم المشكلة، وبنحوّلها لقرارات واضحة خطوة خطوة — حتى تعرفوا شو عم نبني، ليش، وشو لازم ييجي بعده.
- 01
نفهم المشكلة
منفهم الفكرة، المستخدم، أو طريقة الشغل الحالية — ووين الوجع الحقيقي، مش بس شو الخصائص اللي ببالكم.
- 02
نحدّد النسخة الصح
منرتّب الأولويات ومنحدّد شو لازم يدخل بأول نسخة وشو منقدر نأجله، حتى تستثمروا بالشي اللي إله معنى.
- 03
نصمّم التجربة
منرسم كيف المستخدم رح يمشي، يقرر وينجز — قبل ما التصميم يصير مجرد ألوان وشاشات حلوة.
- 04
نبني ونختبر
منحوّل القرارات لمنتج حقيقي، ومنختبره خلال البناء حتى ما تكون أول مفاجأة يوم الإطلاق.
- 05
نطلق ونتعلّم
منطلق نسخة ثابتة قابلة للاستخدام، ومنراقب شو بنتعلّم من الناس حتى نحدّد التطوير الجاي على أساس حقيقي.
أسئلة طبيعية قبل ما تحطّوا فكرتكم وميزانيتكم بإيد حدا
كل الأسئلة الشائعةابدأوا بالمشكلة أو الفكرة. مش لازم تكون المواصفات جاهزة.
احكولنا شو بدكم تغيّروا، لمين، وليش الموضوع مهم. منرجعلكم بنقطة بداية واضحة — مش بقائمة تقنيات ولا عرض سعر منسوخ.